• 1

  • 2

  • 3

  • 4

  • 5

  • 6

  • 7

  • 8

ສາມັກຄີ ມີວິໄນ ທັນສະໄໝ ໄດ້ມາດຕະຖານ

Laoo Viet1

 

  1. ວັນສ້າງຕັ້ງສາຍພົວພັນການທູດລາວ-ຫວຽດນາມແມ່ນວັນທີ ເດືອນ ປີໃດ?

ຕອບ: ວັນທີ 5/9/1962

2. ອະນຸສອນສະຖານປະທານໂຮ່ຈີມິນຢູ່ລາວ ຕັ້ງຢູ່ໃສ?

ຕອບ: ຢູ່ເມືອງໜອງບົກ, ແຂວງຄໍາມ່ວນ

3. ປະທານໂຮ່ຈີມິນໄດ້ມາລາວໃນປີ 1928, ຢູ່ໃສ?

ຕອບ: ຢູ່ບ້ານຊຽງຫວາງ, ເມືອງໜອງບົກ, ແຂວງຄໍາມ່ວນ

4. ວັນຄູແຫ່ງຊາດຫວຽດນາມແມ່ນວັນໃດ?

ຕອບ: ວັນທີ 20 ເດືອນ 11

5. ການຢ້ຽມຢາມຕ່າງປະເທດຄັ້ງທຳອິດຂອງສະຫາຍ ຫງວຽນຝູຈ້ອງ ໃນຖານະເປັນ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ແມ່ນປະເທດໃດ?

ຕອບ: ປະເທດລາວ (ສປປ ລາວ)

6. ກອງ​ປະຊຸມ​ສາກົນ “ພັກ​ນຳພາ​ຂະ​ບວນການ​ປ່ຽນແປງ​ໃໝ່ ​ແລະ ພັດທະນາ​ປະ​ເທດ​ຊາດ:

ບົດຮຽນຂອງຫວຽດນາມ, ບົດຮຽນ​ຂອງ​​ລາວ” ​ເນື່ອງ​ໃນ​ໂອກາດ​ສະ​ເຫຼີ​ມສະຫຼອງ 45 ປີ​ແຫ່ງ​ວັນ​ສ້າງ​ຕັ້ງສາຍ​ພົວພັນ​ທາງ​ການ​ທູດ (5 ກັນຍາ 1962 5 ກັນຍາ 2007) ແລະ 30 ປີ ​ວັນ​ເຊັນ​ສົນທິສັນຍາ​ມິດຕະພາບ ​ແລະ ການ​ຮ່ວມ​ມື​ລະຫວ່າງລາວ-​ຫວຽດນາມ (18 ກໍລະກົດ 1977 - 18 ກໍລະກົດ 2007) ໄດ້ຈັດຕັ້ງຂຶ້ນຢູ່ໃສ?

ຕອບ: ທີ່ນະຄອນຫຼວງຮ່າໂນ້ຍ ( ສສ ຫວຽດນາມ)

7. ກອງປະຊຸມ ອາຊີ-ເອີຣົບ (ຈັດຂຶ້ນຢູ່ ຫວຽດນາມ ແລະ ລາວ ໃນປີໃດ?

ຕອບ: ປີ 2004 ຢູ່ ຫວຽດນາມ (ASEM 5); ປີ 2012 ຢູ່ລາວ (ASEM 9)

8. ໃຜເປັນຫົວໜ້າຄະນະຜູ້ແທນພັກກອມມູນິດຫວຽດນາມ ເຂົ້າຮ່ວມກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ VII ຂອງພັກປະຊາຊົນປະຕິວັດລາວ (ເດືອນມີນາ 2001)?

ຕອບ: ສະຫາຍເລຂາປຽວ ເລ​ຂາ​ທິ​ການ​ໃຫຍ່ພັກກອມມູນິດຫວຽດນາມ

9. ສັນຍາວ່າດ້ວຍການຮ່ວມມືດ້ານເສດຖະກິດ, ວັດທະນະທຳ, ວິທະຍາສາດ ແລະ ເຕັກນິກ ລະຫວ່າງ ຫວຽດນາມ ແລະ ລາວ ໄລຍະ 1996 2000 ໄດ້ລົງນາມໃນວັນທີ ເດືອນ ປີ ໃດ?ຕອບ: ວັນທີ 14 ມັງກອນ 1996 ທີ່ນະຄອນຫຼວງວຽງຈັນ (ປະເທດລາວ)

10. ຊຸດປຶ້ມປະຫວັດສາດສາຍພົວພັນພິເສດ ລາວ-ຫວຽດນາມ, ຫວຽດນາມ-ລາວ (1930-2007) ສຳເລັດໃນປີ 2011 ໄດ້ຈັດພິມເຜີຍແຜ່ໃນປີໃດ?

ຕອບ: ປີ 2012

11. ສັນຍາການຄ້າລະຫວ່າງລັດຖະບານແຫ່ງສາທາລະນະລັດ ສັງຄົມນິຍົມຫວຽດນາມ ແລະ ສາທາລະນະລັດ ປະຊາທິປະໄຕ ປະຊາຊົນລາວ ໄດ້ລົງນາມໃນວັນທີ, ເດືອນ, ປີໃດ?

ຕອບ: ວັນທີ 11 ກຸມພາ 1991

12. ປະເທດຫວຽດນາມ​ເຂົ້າເປັນສະມາຊິກ​ອາ​ຊຽນ​ໃນ​ວັນທີ ເດືອນ ປີ​ໃດ?

ຕອບ: ວັນທີ 28 ກໍລະກົດ 1995

13. ໃຜເປັນຫົວໜ້າຄະນະຜູ້ແທນພັກກອມມູນິດຫວຽດນາມ ເຂົ້າຮ່ວມກອງປະຊຸມໃຫຍ່ຄັ້ງທີ 5 ຂອງພັກປະຊາຊົນປະຕິວັດລາວ (ເດືອນ ມີນາ 1991)?

ຕອບ: ສະຫາຍເລຂາທິການໃຫຍ່ ຫງວຽນວັນລິງ

14.ໃຜເປັນຫົວໜ້າຄະນະຜູ້ແທນພັກປະຊາຊົນ ປະຕິວັດລາວ ເຂົ້າຮ່ວມກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ VII ຂອງພັກກອມມູນິດຫວຽດນາມ (ເດືອນ ມິຖຸນາ 1991)?

ຕອບ: ສະຫາຍ ໄກສອນ ພົມວິຫານ, ປະທານຄະນະບໍລິຫານງານສູນກາງພັກ

15. ຄະນະ​ເລຂາທິການ​ສູນ​ກາງ​ພັກ​ກອມ​ມູນິດ​ຫວຽດນາມ ​ຊຸດ​ທີ VII ​ໄດ້​ອອກ​ມະຕິ​ຕົກລົງ​ສະບັບ​ທີ 10/QD-TW ກ່ຽວ​ກັບ​ການ​ສ້າງ​ຕັ້ງ​ຄະນະ​ກຳມະການ​ຮ່ວມ​ມື​ກັບ​ລາວ ​ໃນ​ວັນ​ເວລາ ​ແລະ ປີ​ໃດ?

ຕອບ: ວັນທີ 11 ພະຈິກ 1991

16. ສົນທິສັນຍາ ວ່າດ້ວຍການວາງແຜນຊາຍແດນແຫ່ງຊາດ ລະຫວ່າງ ສາທາລະນະລັດ ສັງຄົມນິຍົມຫວຽດນາມ ແລະ ສາທາລະນະລັດ ປະຊາທິປະໄຕ ປະຊາຊົນລາວ ໄດ້ລົງນາມເມື່ອໃດ?

ຕອບ: ລົງນາມໃນວັນທີ 18 ກໍລະກົດ 1977

17. ລັດຖະບານ​ລາວ​ຕົກລົງ​ມອບ​ຫຼຽນ​ຄຳ​ແຫ່ງ​ຊາດ​ໃຫ້​ກອງທັບ​ປະຊາຊົນ​ຫວຽດນາມເນື່ອງໃນໂອກາດໃດ?

ຕອບ: ເນື່ອງໃນໂອກາດສະເຫຼີມສະຫຼອງ 40 ປີແຫ່ງວັນສ້າງຕັ້ງກອງທັບປະຊາຊົນຫວຽດນາມ

18. ກອງ​ປະ​ຊຸມ​ໃຫຍ່​ຄັ້ງ​ທີ IV ຂອງ​ພັກ​ກອມ​ມູ​ນິດ​ຫວຽດ​ນາມ ໄດ້​ໄຂ​ຂຶ້ນ​ເມື່ອ​ໃດ?

ຕອບ: ແຕ່​ວັນ​ທີ 14-20/12/1976 (ຢູ່ ​ຮ່າ​ໂນ້ຍ)

19. ຄະນະ​ເລຂາທິການ​ສູນ​ກາງ​ພັກ​ກອມ​ມູນິດ​ຫວຽດນາມ ​ໄດ້​ອອກ​ມະຕິ​ກ່ຽວ​ກັບ​ການ​ສ້າງ​ຕັ້ງ​ໂຮງຮຽນ​ພັກ ຫງວຽນ​ອາຍ​ກັວກ ຮັບຜິດຊອບ​ການ​ຝຶກ​ອົບຮົມ​ຊ່ວຍ​ເຫຼືອ​ລາວ ວັນ​ທີ ເດືອນ ປີ​ໃດ?

ຕອບ: ວັນທີ 19 ເມສາ 1978

20. ກອງປະຊຸມສຸດຍອດຂອງສາມປະເທດອິນດູຈີນ (ວັນທີ 22 ແລະ 23 ກຸມພາ 1983) ໄດ້ຈັດຂຶ້ນຢູ່ໃສ?

ຕອບ: ຈັດຂຶ້ນ ທີ່ນະຄອນຫຼວງວຽງຈັນ (ປະເທດລາວ)

21. ຄໍາວ່າ "ພິເສດ" ມັກຈະຖືກໃຊ້ເມື່ອເວົ້າເຖິງສາຍພົວພັນ ຫວຽດນາມ-ລາວ, ໃຜເປັນຜູ້ກຳນົດກ່ອນ?

ຕອບ: ປະທານໂຮ່ຈີມິນ

22. ຜູ້ນໍາ​ຫວຽດນາມທ່ານ​ໃດ​ທີ່ມີຮູບພິມໃນ​ເງິນ​ຕາຂອງ​ຫວຽດນາມ​?

ຕອບ: ປະທານໂຮ່ຈີມິນ

23. ສະພາ​ປະຊາຊົນ​ສູງ​ສຸດ​ລາວ ​ໄດ້​ມອບ​ຫຼຽນ​ຄຳ​ແຫ່ງ​ຊາດ ໃຫ້​ສະຫາຍ ​ເລຢວນ ​ ​ໃນ​ປີ​ໃດ?

ຕອບ: ປີ 1981

24. ກອງ​ປະ​ຊຸມ​ລັດ​ຖະ​ມົນ​ຕີ ​ວັດ​ທະ​ນະ​ທຳ​ ຫວຽດ​ນາມ, ລາວ ແລະ ກຳ​ປູ​ເຈຍ (ເດືອນ 4/1984) ໄດ້​ຈັດ​ຂຶ້ນ​ຢູ່​ໃສ?

ຕອບ: ທີ່ນະຄອນຫຼວງພະນົມເປັນ (ກໍາປູເຈຍ)

25. ທ່ານໃດເປັນ​ຜູ້​ຕາງໜ້າ​ພັກ ​ແລະ ລັດ ຫວຽດນາມ ​​ມອບ​ຫຼຽນ​ຄໍາໃຫ້​ ປະທານໄກສອນ ພົມວິຫານ (​ເດືອນ 5/1981)?

ຕອບ: ທ່ານ ຫວໍຫງວຽນຢາບ

26. ໃຜເປັນຫົວໜ້າຄະນະຜູ້ແທນພັກ ແລະ ລັດຫວຽດນາມ ເຂົ້າຮ່ວມກອງປະຊຸມໃຫຍ່ຄັ້ງທີ III ຂອງພັກປະຊາຊົນ ປະຕິວັດລາວ?

ຕອບ: ສະຫາຍ ເຈືອງຈິງ

27. ໃຜເປັນຜູ້ແປບົດກະວີ “ບັນທຶກໃນຄຸກຂອງລຸງໂຮ່ ອອກເປັນພາສາລາວ?

ຕອບ: ນັກກະວີລາວ ທ່ານສົມສີ ເດຊາຄໍາພູ (ສ.ເດຊາ)

28. ກອງປະຊຸມໃຫຍ່ຄັ້ງທີ III ຂອງພັກກອມມູນິດຫວຽດນາມ ໄດ້ຈັດຂຶ້ນໃນວັນທີ ເດືອນ ປີໃດ?

ຕອບ: ວັນທີ 5-10 ກັນຍາ 1960 (ທີ່ນະຄອນຫຼວງຮ່າໂນ້ຍ)

29. ສະຫາຍ ໄກສອນ ພົມວິຫານ ໄປຮຽນຢູ່ຫວຽດນາມ ມີໂຮງຮຽນໃດແດ່?

ຕອບ: ໂຮງຮຽນ ເບື໋ອຍ (ປັດຈຸບັນແມ່ນໂຮງຮຽນ Chu Van An) ແລະ ມະຫາວິທະຍາໄລ   ກົດໝາຍ.

30. ກອງ​ປະ​ຊຸມ​ລັດ​ຖະ​ມົນ​ຕີ​ການ​ຕ່າງ​ປະ​ເທດ​ຂອງ​ສາມ​ປະ​ເທດ​ອິນ​ດູ​ຈີນ (ເດືອນ​ມັງ​ກອນ 1981) ໄດ້​ຈັດ​ຂຶ້ນ​ຢູ່​ໃສ?

ຕອບ:ຈັດຂຶ້ນຢູ່ ນະຄອນໂຮ່ຈີມິນ (ຫວຽດນາມ)

31. ໃນປັດຈຸບັນໃຜເປັນປະທານປະເທດຫວຽດນາມ (?

ຕອບ: ທ່ານຫງວຽນຊວນຟຸກ

32. ສົນທິສັນຍາມິດຕະພາບ ແລະ ການຮ່ວມມື ລະຫວ່າງ ສາທາລະນະລັດ ສັງຄົມນິຍົມ ຫວຽດນາມ ແລະ ສາທາລະນະລັດ ປະຊາທິປະໄຕ ປະຊາຊົນລາວ ໄດ້ລົງນາມໃນວັນທີ ເດືອນ ປີໃດ?

ຕອບ: ວັນທີ 18 ກໍລະກົດ 1977

33. ວັນຊາດຂອງຫວຽດນາມ ແມ່ນວັນໃດ?

ຕອບ: ວັນທີ 2 ກັນຍາ

34. ເພງ​ຊາດ​ຫວຽດ​ນາມ​ໃນ​ປັດ​ຈຸ​ບັນ​ແມ່ນ​ໃຜເປັນຜູ້ແຕ່ງ (ປະ​ພັນ)?

ຕອບ: ໂດຍ ວັນກາວ

35. ຮ່າໂນ້ຍໄດ້ກາຍເປັນເມືອງຫຼວງຂອງ ສສ ຫວຽດນາມນັບແຕ່ປີໃດເປັນຕົ້ນມາ?

ຕອບ: ປີ 1976 (ປີ 1976, ທີ່​ກອງ​ປະ​ຊຸມ​ຄັ້ງ​ທຳ​ອິດ​ຂອງ​ສະ​ພາ​ແຫ່ງ​ຊາດ​ສະ​ໄໝ​ທີ IV, ຮ່າ​ໂນ້ຍ ໄດ້​ຮັບ​ກຽດ​ເລືອກ​ຕັ້ງ​ເປັນ​ນະ​ຄອນ​ຫຼວງ​ຂອງ​ສາ​ທາ​ລະ​ນະ​ລັດ ​ສັງ​ຄົມ​ນິ​ຍົມ​ຫວຽດ​ນາມ ມາ​ເຖິງ​ທຸກ​ວັນ​ນີ້)

36. ຊື່​ຂອງ​ພັກ​ກອມ​ມູນິດ​ຫວຽດນາມ​ຖືກ​ເອີ້ນ​ເປັນ​ທາງ​ການ​ໃນປີ​ໃດ?

ຕອບ: ປີ 1976 (​ໃນ​ກອງ​ປະຊຸມ​ໃຫຍ່​ຄັ້ງ​ທີ 4 ຂອງ​ພັກ, ​ໄດ້​ຈັດ​ຂຶ້ນ​ໃນ​ປີ 1976 ພາຍຫຼັງ​ສົງຄາມ​ຫວຽດນາມ​ສິ້ນ​ສຸດ​ລົງ, ຊື່​ພັກ​ໄດ້​ປ່ຽນ​ກັບ​ຄືນ​ໄປ​ເປັນ​ພັກ​ກອມ​ມູນິດ​ຫວຽດນາມ)

37. ກອງປະຊຸມສຸດຍອດປະຊາຊົນຂອງສາມປະເທດອິນດູຈີນ (ເດືອນເມສາ 1970) ໄດ້ຈັດຂຶ້ນຢູ່ໃສ?

ຕອບ: ຢູ່​ເຂດ​ຊາຍ​ແດນຫວຽດນາມ, ລາວ ​ແລະ ຈີນ

38. ຜູ້ໃດເປັນຫົວໜ້າຄະນະນຳພາ​ຄະນະ​ຜູ້​ແທນ​ພັກ​ແຮງ​ງານ​ຫວຽດນາມ ​ເຂົ້າ​ຮ່ວມ​ກອງ​ປະຊຸມ​ໃຫຍ່​ຄັ້ງ​ທີ 2 ຂອງ​ພັກ​ປະຊາຊົນ​ລາວ (​ເດືອນ​ ກຸມພາ 1972)

ຕອບ: ສະຫາຍ ຫວໍຫງວຽນຢາບ

39. ຫໍ (ວັດ-ຈົ່ວໂໝດໂກດ) ​ເສົາ​ດຽວ​ຢູ່​ຮ່າ​ໂນ້ຍ​ໄດ້​ຮັບ​ການ​ກໍ່​ສ້າງ​ຂຶ້ນໃນ​ປີ 1049 ໃນສະ​ໄໝລາ​ຊະ​ວົງໃດຂອງຫວຽດນາມ?

ຕອບ: ໃນລາ​ຊະ​ວົງ ລີ້ຖ້າຍຕົງ (Ly Thai Tong)

40. ທ້າຍ​ປີ 1968, ຄະ​ນະ​ຜູ້​ແທນ​ພັກ​ແຮງ​ງານ​ຫວຽດ​ນາມ ແລະ​ ຄະ​ນະ​ຜູ້​ແທນ​ພັກ​ປະ​ຊາ​ຊົນ​ລາວ ໄດ້​ມີ​ການ​ເຈ​ລະ​ຈາ​ສຳ​ຄັນ ເພື່ອ​ປຶກ​ສາ​ຫາ​ລື​ກ່ຽວ​ກັບ​ສະ​ພາບ​ການ ແລະ ການ​ປະ​ສົມ​ປະ​ສານ​ປະ​ຕິ​ວັດ​ລະ​ຫວ່າງ 2 ປະ​ເທດ ໄດ້ເປີດຂຶ້ນຢູ່ໃສ?

ຕອບ: ຢູ່ ຮ່າໂນ້ຍ, ຫວຽດນາມ

41. ກອງທັບປະສົມ ລາວ-ຫວຽດນາມ ເປີດບັ້ນຮົບໂຈມຕີ ສັດຕູ ເພື່ອປົດປ່ອຍເມືອງນ້ຳບາກ ແມ່ນ ເດືອນ ປີໃດ?

ຕອບ: ແຕ່ເດືອນ ມັງກອນ ຫາເດືອນ ກຸມພາ 1968

42. ກອງທັບ​ອາກາດໃດຂອງ​ຫວຽດນາມ ​ໄດ້​ບຸກ​ໂຈມ​ຕີ​ຖານ​ທັບ​ອາ​ເມ​ລິ​ກາ​ຢູ່​ຜາ​ຖີ່, ແຂວງຫົວ​ພັນ,​ໃນ​ຕົ້ນ​ປີ 1968?

ຕອບ: ກອງ​ບັນຊາ​ການ​ກອງທັບ​ອາກາດ 919 ຂອງ​ຫວຽດນາມ

43. ກອງ​ປະ​ຊຸມ​ປະ​ຊາ​ຊົນ​ຂອງ​ສາມ​ປະ​ເທດ​ອິນ​ດູ​ຈີນ (ເດືອນ​ມີ​ນາ 1965) ເພື່ອ​ສະ​ແດງ​ໃຫ້​ເຫັນ​ຄວາມ​ສາ​ມັກ​ຄີ​ ເພື່ອຕໍ່ຕ້ານ​ອາ​ເມລິ​ກາ​ໄດ້​ຈັດ​ຂຶ້ນຢູ່ໃສ?

ຕອບ: ຢູ່ ພະນົມເປັນ (ກຳປູເຈຍ)

44. ທະຫານ​ອາສາ​ສະໝັກ ​ແລະ ​ຊ່ຽວຊານ​ຫວຽດນາມ ຢູ່​ລາວ ​ໄດ້​ຮັບ​ການ​ສ້າງ​ຕັ້ງ​ຂຶ້ນໃນ​ວັນທີ, ເດືອນ ປີ ໃດ?

ຕອບ: ວັນທີ 30 ຕຸລາ 1949

45. “ພາຍຫຼັງ​ສ້າງ​ຕັ້ງ​ການ​ພົວ​ພັນ​ທາງ​ການ​ທູດ​ກັບ​ບັນ​ດາ​ປະ​ເທດ, ພວກ​ເຮົາ​ມີ​ເພື່ອນ​ມິດ​ອີກ​ຫຼາຍ ​ຄົນ, ແຕ່​ເພື່ອນ​ທີ່​ຮ່ວມທຸກຮ່ວມສຸກເປັນຕາຍ ຮ່ວມ​ມື​ກັບ​ພວກ​ເຮົາ​ແມ່ນມີ​ພຽງ​ແຕ່​ຫວຽດ​ນາມ”. ຄຳເວົ້າດັ່ງກ່າວເປັນຂອງໃຜ?

ຕອບ: ສະເດັດເຈົ້າສຸພານຸວົງ

46. ໃນ​ກອງ​ປະຊຸມ​ຄັ້ງ​ໃດ​ໄດ້​ຕົກລົງ​ປ່ຽນ​ຊື່​ກອງທັບ​ປະ​ເທດ​ລາວ​ເປັນ​ກອງທັບ​ປົດ​ປ່ອຍ​ປະ​ຊາ​ຊົນ​ລາວ?

ຕອບ: ກອງ​ປະ​ຊຸມ​ໃຫຍ່​ພະ​ນັກ​ງານ​ທະ​ຫານ​ທົ່ວ​ກອງ​ທັບ​ ຢູ່ ​ນາ​ໄກ່ - ຊຳເໜືອ (20 30 ກໍລະກົດ 1967)

47. ບັ້ນຮົບ 74A ໂດຍກອງທັບປະເທດລາວ ແລະ ອາສາສະໝັກຫວຽດນາມ ໄດ້ຂັບໄລ່ພວກຂວາຈັດອອກຈາກທົ່ງໄຫຫີນ ສຳເລັດຜົນໃນວັນ ເດືອນ ປີໃດ?

ຕອບ: ວັນທີ 8 ມິຖຸນາ 1964

48. ບັ້ນຮົບຫຼວງນໍ້າທາຂອງທະຫານພັນທະມິດລາວ-ຫວຽດນາມ ສະໜັບສະໜູນການຕໍ່ສູ້ທາງດ້ານການເມືອງເພື່ອສ້າງຕັ້ງລັດຖະບານປະສົມຢູ່ລາວໄດ້ຮັບໄຊຊະນະ ແລະ ສິ້ນສຸດລົງໃນເດືອນ ປີໃດ?

ຕອບ: ເດືອນ ພຶດສະພາ 1962

49. ສັນຍາ​ເຊີແນວ ​ກ່ຽວ​ກັບ​ລາວ​ໄດ້​ລົງ​ນາມ​ໃນ​ປີ​ໃດ?

ຕອບ: ວັນທີ 23 ກໍລະກົດ 1962

50. ລັດຖະບານແຫ່ງສາທາລະນະລັດ ປະຊາທິປະໄຕ ຫວຽດນາມ ແລະ ລັດຖະບານແຫ່ງລາຊະອານາຈັກລາວ ໄດ້ສ້າງຕັ້ງການພົວພັນທາງການທູດຢ່າງເປັນທາງການວັນທີ ເດືອນ ປີໃດ?

ຕອບ:ວັນທີ 5 ກັນຍາ 1962

51. ທ່ານເອກອັກຄະລັດຖະທູດຄົນທໍາອິດ ຂອງຫວຽດນາມ ປະຈໍາລາວ ແມ່ນໃຜ?

ຕອບ: ທ່ານ ເລວັນຫຽນ

52.​ ທ່ານເອກອັກຄະລັດຖະທູດຄົນທໍາອິດ ຂອງລາວ ປະຈໍາ ຫວຽດນາມ ແມ່ນໃຜ?

ຕອບ: ພະຍາແພງ

53. ຄະນະ​ກຳມະການ​ສູນ​ກາງ​ພັກ​ແຮງ​ງານ​ຫວຽດນາມ ​ໄດ້​ຕົກລົງ​ສ້າງ​ຕັ້ງ​ຄະນະ​ກຳມະການ​ເຮັດ​ວຽກ​ຢູ່​ລາວ ​ວັນທີ 6 ກໍລະກົດ 1959 ແມ່ນໃຜເປັນຫົວໜ້າ?

ຕອບ: ສະຫາຍ ຫວໍຫງວຽນຢາບ

54. ໜ່ວຍ​ງານ​ພິ​ເສດ​ນຳ​ໜ້າໂດຍ​ສະຫາຍ ຟານ​ດິງ ​ໄດ້​ເຂົ້າ​ຮ່ວມ​ການ​ກອບ​ກູ້ສະເດັດ​ເຈົ້າ​ສຸພານຸວົງ ​ແລະ ຄະນະ​ກຳມະການ​ສູນ​ກາງ​ແນວ​ລາວ​ຮັກ​ຊາດ ​ອອກຈາກ​ຄຸກ​ໂພນ​ເຄັງ ​ແລະ ກັບ​ຄືນ​ສູ່​ຖານ​ທີ່​ໝັ້ນ​ຢ່າງ​ປອດ​ໄພ​ ​ໃນວັນທີ ເດືອນ ປີໃດ?

ຕອບ: ວັນທີ 24 ພຶດສະພາ 1960

55. ຄະນະທີ່ປຶກສາທະຫານຫວຽດນາມ (ຄະນະ ຊ່ວຍເຫຼືອການປະຕິວັດລາວ ສ້າງຕັ້ງຂຶ້ນໃນວັນທີ 16 ກໍລະກົດ 1954 ໃຜເປັນຫົວໜ້າຄະນະ?

ຕອບ: ນຳ​ໂດຍ​ສະຫາຍ ຈູຮຸຍເມິນ (Chu Huy Man)

56. ປົດປ່ອຍພາກໃຕ້ຫວຽດນາມໃນວັນທີ ເດືອນ ປີໃດ?

ຕອບ: ວັນທີ 30 ເມສາ 1975

57. ໃນວາລະ​ປະຊຸມ​ຄັ້ງ​ທີ ເທົ່າໃດ, ສະພາ​ແຫ່ງ​ຊາດ​ຊຸດ​ທີ 1 ​ແຫ່ງ ສາທາລະນະ​ລັດ ປະຊາທິປະ​ໄຕ ຫວຽດນາມ ​ໄດ້​ສົ່ງ​ໂທລະ​ເລກ​ເຖິງ​ປະຊາຊົນ​ບັນດາ​ເຜົ່າ ອ້າຍລາວ, ​ໂດຍ​ຜ່ານ​ລັດຖະບານ ອ້າຍລາວ, ຢືນຢັນ​ວ່າ ປະຊາຊົນ ຫວຽດນາມ ຍາມ​ໃດ​ກໍຢືນ​ຄຽງ​ບ່າຄຽງໄຫຼ່​ກັບ​ປະຊາຊົນ ບັນດາເຜົ່າອ້າຍລາວ ໃນຂະບວນການຕໍ່ສູ້ຍາດເອົາເອກະລາດຂອງສອງປະເທດ ຫວຽດນາມ-ລາວ?

ຕອບ: ກອງປະຊຸມຄັ້ງທໍາອິດ (ວັນທີ 2 ເດືອນ ມີນາ 1946)

58. ໃນກອງປະຊຸມໃຫຍ່ຂອງພັກຄັ້ງທີເທົ່າໃດຂອງຫວຽດນາມໄດ້ຕົກລົງປ່ຽນຊື່ພັກກອມມູນິດອິນດູຈີນເປັນພັກແຮງງານຫວຽດນາມ?

ຕອບ: ກອງປະຊຸມໃຫຍ່ຄັ້ງທີ 2 ຂອງພັກ (ປີ1951)

59. ງານມະຫະກຳກິລາຊີເກມ ຄັ້ງທີ 22 ທີ່ ສສ ຫວຽດນາມ ຈັດຂຶ້ນໃນປີໃດ?

ຕອບ: ປີ 2003

60. ກອງ​ປະ​ຊຸມ​ສ້າງ​ຕັ້ງ​ແນວ​ໂຮມ​ສາ​ມັກ​ຄີ​ພັນທະມິດຫວຽດ​ນາມ-ຂະແມ-ລາວ ໄດ້​ຈັດ​ຂຶ້ນ ແຕ່​ວັນ​ທີ 11-13 ເດືອນ ມີນາ ປີ 1951 ຢູ່ໃສ?

ຕອບ: ຢູ່​ເຂດທີ່ໝັ້ນ ຫວຽດ​ບັກ (ຫວຽດ​ນາມ)

61. ໃຜເປັນຫົວໜ້າຄະນະຜູ້ແທນພັກລາວ ເຂົ້າຮ່ວກອງປະຊຸມໃຫຍ່ຄັ້ງທີ II ຂອງພັກກອມມູນິດອິນດູຈີນ (ເດືອນ ກຸມພາ 1951)?

ຕອບ: ສະຫາຍ ໄກສອນ ພົມວິຫານ

62. ນະຄອນຫຼວງຮ່າໂນ້ຍ ແຮກສ່ຽວກັບນະຄອນໃດຂອງລາວ?

ຕອບ: ນະຄອນຫຼວງວຽງຈັນ

63. ກອງປະຊຸມຜູ້ແທນແນວໂຮມປະເທດຊາດເອກະພາບ ສາມຊາດອິນດູຈິນ ປະຊຸມຂຶ້ນຢູ່ເຂດທີ່ໝັ້ນຫວຽດບັກໃນວັນທີ ເດືອນ ປີໃດ?

ຕອບ: ວັນທີ 20 ເຖິງວັນທີ 22 ເດືອນ ພະຈິກ ປີ 1950

64. ກອງທັບລາວອິດສະຫຼະ ສ້າງຕັ້ງຂຶ້ນວັນທີ ເດືອນ ປີໃດ?

ຕອບ: ວັນທີ 20 ມັງກອນ 1949

65. ຄະນະອາສາສະໝັກລາວເໜືອ ສ້າງຕັ້ງຂຶ້ນໃນວັນທີ 16 ພຶດສະພາ 1948, ໃຜເປັນຫົວໜ້າຄະນະ?

ຕອບ: ທ່ານໄກສອນ ພົມວິຫານ

66. ກອງ​ທະຫານ​ຫວຽດນາມ​ປະຕິບັດ​ໜ້າ​ທີ່​ຢູ່​ລາວ​ປະຕິບັດ​ນາມມະຍົດ "​ທະຫານ​ອາສາ​ສະໝັກ" ​ແຕ່​ວັນທີ ເດືອນ ປີໃດ?

ຕອບ: ຕັ້ງແຕ່ວັນທີ 30 ຕຸລາ 1949

67. ການສູ້ຮົບຂອງພັນທະມິດ ລາວ-ຫວຽດນາມ ປ້ອງກັນນະຄອນຫຼວງວຽງຈັນ ຊຶ່ງເຮັດໃຫ້ແຜນການຂອງສັດຕູຫວັງບຸກໂຈມຕີ ແລະ ຢຶດເອົານະຄອນຫຼວງວຽງຈັນໄດ້ໂດຍໄວຖືກປະລາໄຊ ໃນເດືອນ ປີໃດ?

ຕອບ: ເດືອນ ຕຸລາ ແລະ ພະຈິກ 1945

68. ເຂື່ອນບາຣາໂດເລືອງ (ແຂວງເຫງະອານ) ແມ່ນໂຄງການ “ຍົກນ້ຳເຂົ້ານາ” ທີ່ມີຊື່ສຽງໃນຊຸມປີ 30, ໃຜເປັນຜູ້ອອກແບບເຂື່ອນນີ້?

ຕອບ: ວິສະວະກອນ ເຈົ້າຊາຍສຸພານຸວົງ

69. “ຮັກຫອມກັນໝາຍໝັ້ນ ຫຼາຍສັນພູກໍປີນໄຕ່, ຫຼາຍນໍ້າໃຫຍ່ ແລະໂຄກຄ້ອຍ ຂວາງຂັ້ນກໍດຸ່ງໄປ, ສອງຊາດລາວ-ຫວຽດໄດ້ ຝັງຄວາມຮັກຢູ່ໃນໃຈ, ຮົງຮາ ທັງແມ່ຂອງ ບໍ່ເລິກປຸນປານໄດ້”. ບົດກອນດັ່ງກ່າວ ປະທານໂຮ່ຈີມິນ ໄດ້ຂຽນຂຶ້ນໃນໂອກາດໃດ?

ຕອບ: ​ໃນ​ພິທີ​ຕ້ອນຮັບ​ເຈົ້າຊີວິດ​ລາວ (13 ມີນາ 1963)

70. ສັນຍາ "ການຊ່ວຍເຫຼືອຊຶ່ງກັນ ແລະ ກັນ ລາວ-ຫວຽດນາມ" ໄດ້ລົງນາມຫຼັງຈາກລາວປະກາດເອກະລາດ (12 ຕຸລາ 1945) ໄດ້ຈັກວັນ, ຢູ່ໃສ?

ຕອບ: ໄດ້ 4 ວັນ, ທີ່ນະຄອນຫຼວງວຽງຈັນ

71.​ໃຜເປັນຜູ້ປະພັນບົດເພງ ຮ່າໂນ້ຍ-ວຽງຈັນ ?

ຕອບ: ສິລະປິນ ບຸນປະສົງ ສາຍເຊກະໝານ

72. ໃຜເປັນຜູ້ປະພັນບົດເພງ ສາວຊໍາເໜືອ(ໂກກ້າຍຊໍາເໜືອ)?

ຕອບ: ສິລະປິນ ເຈີ່ນຕ້ຽນ

73. ໃຜເປັນຜູ້ປະພັນບົດເພງ ສາຍພົວພັນຫວຽດ-ລາວ (ຕິ່ງຫວຽດ-ລາວ)?

ຕອບ: ສິລະປິນ ໂຮ່ຫິ້ວເທີ້ຍ

74. ໃຜເປັນຜູ້ປະພັນບົດເພງ ລໍາເຕີ້ຍ(ຂຸກຮາດລໍາເຕີ້ຍ)?

ຕອບ: ສິລະປິນ ຮວ່າງແທ່ງ

75. ໃຜເປັນຜູ້ປະພັນບົດເພງ ອ້າຍທະຫານອາສາສະໝັກ(ແອັງລິ້ງຕິ່ງຫງຽດ)?

ຕອບ: ສິລະປິນ ຮວ່າງແທ່ງ

76. ໃຜເປັນຜູ້ປະພັນບົດເພງ ພົບກັນທີ່ຈອມພູຫຼວງ(ກັບເຍົາເຈນດິ໋ງເຈື່ອງເຊີນ)?

ຕອບ: ສິລະປິນ ຮວ່າງຮ່າ

77. ວັນເຊັນສົນທິສັນຍາມິດຕະພາບ ແລະ ການຮ່ວມມືຮອບດ້ານລາວ-ຫວຽດນາມ ໃນວັນທີ 18 ກໍລະກົດ 1977 ຕາງໜ້າຝ່າຍລາວແມ່ນໃຜ ແລະ ຝ່າຍຫວຽດນາມແມ່ນໃຜ?

ຕອບ: ທ່ານໄກສອນ ພົມວິຫານ (ຝ່າຍລາວ), ທ່ານຟ້າມວັນດົ່ງ (ຝ່າຍຫວຽດນາມ)

78. ເອກະສານກ່ຽວກັບ “ຂະບວນການປະຕິວັດຢູ່ອິນດູຈີນ” ເພື່ອຮຽກຮ້ອງກໍາມະກອນ ແລະ ຊາວນາທົ່ວໂລກ ສະໜັບສະໜູນກໍາມະກອນ ແລະ ຊາວນາຂອງອິນດູຈີນ ໂດຍແມ່ນທ່ານ    ຫງວຽນອ໋າຍກັວກ ເປັນຜູ້ຂຽນຂຶ້ນ ໃນເດືອນ ປີ ໃດ?

ຕອບ: ເດືອນ ກັນຍາ 1930

79. ກອງປະຊຸມສຸດຍອດອາຊຽນຄັ້ງທີ 6 ໄຂຂຶ້ນໃນວັນທີ 15-16 ທັນວາ 1998 ຢູ່ປະເທດໃດ

ຕອບ: ປະເທດຫວຽດນາມ

80. ກອງປະຊຸມສຸດຍອດອາຊຽນຄັ້ງທີ 6 ຢູ່ປະເທດຫວຽດນາມ 1998 ແມ່ນໃຜເປັນປະທານສະມາຄົມອາຊຽນ?

ຕອບ: ທ່ານຟານວັນຂາຍ

81. ກອງປະຊຸມສຸດຍອດອາຊຽນຄັ້ງທີ 16-17 ໄຂຂຶ້ນໃນປີ 2010 ຢູ່ປະເທດໃດ?

ຕອບ: ປະເທດຫວຽດນາມ

82. ກອງປະຊຸມສຸດຍອດອາຊຽນຄັ້ງທີ 16-17 ຢູ່ປະເທດຫວຽດນາມ ປີ 2010 ແມ່ນໃຜເປັນປະທານສະມາຄົມອາຊຽນ?

ຕອບ: ທ່ານຫງວຽນເຕິ້ນຢຸ້ງ

83. ເລຂາທິການໃຫຍ່ຂອງອາຊຽນສະໄໝທີ 13 ແມ່ນຄົນປະເທດໃດ ແລະ ມີຊື່ວ່າແນວໃດ?

ຕອບ: ຄົນປະເທດຫວຽດນາມ ຊື່ວ່າ ທ່ານເລເລືອງມິງ (ແຕ່ວັນທີ 1 ມັງກອນ 2013 ເຖິງ 31 ທັນວາ 2017)

84. ສະກຸນເງິນຕາຂອງປະເທດຫວຽດນາມແມ່ນຫຍັງ?

ຕອບ: ດົ່ງ (VND)

85. ນະຄອນຫຼວງຂອງປະເທດຫວຽດນາມ ຊື່ວ່າແນວໃດ?

ຕອບ: ຮ່າໂນ້ຍ

86. ປະເທດຫວຽດນາມມີເນື້ອທີ່ທັງໝົດເທົ່າໃດ ກິໂລຕາແມັດ?

ຕອບ: 331.690 km²

87. ປະເທດຫວຽດນາມມີພົນລະເມືອງໃນປີ 2022 ທັງໝົດເທົ່າໃດຄົນ?

ຕອບ: 96 ລ້ານຄົນ

88. ພາສາທາງການຂອງປະເທດຫວຽດນາມແມ່ນພາສາຫຍັງ?

ຕອບ: ພາສາຫວຽດ

89. ດອກໄມ້ປະຈໍາຊາດຂອງຫວຽດນາມ ແມ່ນດອກຫຍັງ?

ຕອບ: ດອກບົວ

90. ປະເທດຫວຽດນາມມີຊາຍແດນຕິດກັບປະເທດໃດແດ່?

ຕອບ: ປະເທດ ຈີນ, ລາວ ແລະ ກໍາປູເຈຍ

91. ຝັ່ງ​ທະ​ເລ​ຫວຽດ​ນາມ ມີ​ຄວາມ​ຍາວຈັກກິ​ໂລ​ແມັດ?

ຕອບ: 3.260 ກິ​ໂລ​ແມັດ

92. ເສັ້ນຊາຍ​ແດນ​ທາງ​ບົກຂອງຫວຽດນາມຍາວເທົ່າໃດກິໂລແມັດ?

ຕອບ: ຍາວ 4.510 ກິ​ໂລ​ແມັດ

93. ປະເທດລາວມີຊາຍແດນຕິດກັບ ຈັກແຂວງຂອງຫວຽດນາມ ຄືແຂວງໃດແດ່?

ຕອບ: 10 ແຂວງ ຄື: ດຽນບຽນ, ເຊີນລາ, ແທັງຮວາ, ເຫງະອານ, ຮ່າຕິ້ງ, ກວາງບິ່ງ, ກວາງຈີ, ເທືອທຽນ-ເຫວ້, ກວາງນາມ ແລະ ກອນຕູມ

94. ປະເທດຫວຽດນາມມີຊາຍແດນຕິດກັບ ຈັກແຂວງຂອງລາວ ຄືແຂວງໃດແດ່?

ຕອບ: 10 ແຂວງ ຄື: ຜົ້ງສາລີ, ຫຼວງພະບາງ, ຫົວພັນ, ຊຽງຂວາງ, ບໍລິຄຳໄຊ, ຄໍາມ່ວນ, ສະຫວັນນະເຂດ, ເຊກອງ, ສາລະວັນ ແລະ ອັດຕະປື

95. ແຂວງດຽນບຽນ (ຫວຽດນາມ) ຕິດກັບແຂວງໃດຂອງລາວ?

ຕອບ: ແຂວງຜົ້ງສາລີ ແລະ ຫຼວງພະບາງ

96. ແຂວງເຊີນລາ (ຫວຽດນາມ) ຕິດກັບແຂວງໃດຂອງລາວ?

ຕອບ: ແຂວງຫຼວງພະບາງ ແລະ ແຂວງຫົວພັນ

97. ແຂວງແທັງຮວາ (ຫວຽດນາມ) ຕິດກັບແຂວງໃດຂອງລາວ?

ຕອບ: ແຂວງຫົວພັນ

98. ແຂວງເຫງະອານ (ຫວຽດນາມ) ຕິດກັບແຂວງໃດຂອງລາວ?

ຕອບ: ແຂວງຫົວພັນ, ຊຽງຂວາງ ແລະ ແຂວງບໍລິຄຳໄຊ

99. ແຂວງຮ່າຕິ້ງ (ຫວຽດນາມ) ຕິດກັບແຂວງໃດຂອງລາວ?

ຕອບ: ແຂວງບໍລິຄໍາໄຊ ແລະ ແຂວງຄໍາມ່ວນ

100. ແຂວງກວາງບິ່ງ (ຫວຽດນາມ) ຕິດກັບແຂວງໃດຂອງລາວ?

ຕອບ: ແຂວງ ຄໍາມ່ວນ

101. ແຂວງກວາງຈິ (ຫວຽດນາມ) ມີຊາຍແດນຕິດກັບແຂວງໃດຂອງລາວ?

ຕອບ: ແຂວງສະຫວັນນະເຂດ ແລະ ແຂວງສາລະວັນ

102. ແຂວງເທື່ຶອທຽນ-ເຫວ້ (ຫວຽດນາມ) ຕິດກັບແຂວງໃດຂອງລາວ?

ຕອບ: ແຂວງສາລະວັນ ແລະ ແຂວງເຊກອງ

103. ແຂວງກວາງນາມ (ຫວຽດນາມ) ຕິດກັບແຂວງໃດຂອງລາວ?

ຕອບ: ແຂວງເຊກອງ

104.ແຂວງກອນຕູມ (ຫວຽດນາມ) ຕິດກັບແຂວງໃດຂອງລາວ?

ຕອບ: ແຂວງເຊກອງ ແລະ ອັດຕະປື

105. ປະເທດຫວຽດນາມມີຈັກຊົນເຜົ່າ?

ຕອບ: 54 ຊົນເຜົ່າ

106. ປະເທດຫວຽດນາມມີຈັກແຂວງ?

ຕອບ: 63 ແຂວງ

107. ຜູ້ນຳ​ທີ່​ຍິ່ງ​ໃຫຍ່​ຂອງ​ປະ​ເທດ​​ຫວຽດນາມຊື່ຫຍັງ?

ຕອບ: ປະທານໂຮ່ຈີມິນ

108. ດ່ານຊາຍແດນສາກົນໄຕຈາງ-ປາງຫົກ ຢູ່ແຂວງໃດຂອງຫວຽດນາມ ແລະ ລາວ?

ຕອບ: ແຂວງດຽນບຽນ (ຫວຽດນາມ), ແຂວງຜົ້ງສາລີ (ລາວ)

109. ດ່ານຊາຍແດນສາກົນຈຽງເຂືອງ-ບ້ານດ່ານ ຢູ່ແຂວງໃດຂອງຫວຽດນາມ ແລະ ລາວ?

ຕອບ: ແຂວງເຊີນລາ (ຫວຽດນາມ), ແຂວງຫົວພັນ (ລາວ)

110. ດ່ານຊາຍແດນສາກົນນາແມວ-ນໍ້າໂສຍ ຢູ່ແຂວງໃດຂອງຫວຽດນາມ ແລະ ລາວ?

ຕອບ: ແຂວງແທັງຮວາ (ຫວຽດນາມ), ແຂວງຫົວພັນ (ລາວ)

111. ດ່ານຊາຍແດນສາກົນນໍ້າກັ່ນ-ນໍ້າການ ຢູ່ແຂວງໃດຂອງຫວຽດນາມ ແລະ ລາວ?

ຕອບ: ແຂວງເຫງະອານ (ຫວຽດນາມ), ແຂວງຊຽງຂວາງ (ລາວ)

112. ດ່ານຊາຍແດນສາກົນເກົ່າແຈວ-ນໍ້າພາວ ຢູ່ແຂວງໃດຂອງຫວຽດນາມ ແລະ ລາວ

ຕອບ: ແຂວງຮ່າຕິ້ງ (ຫວຽດນາມ), ແຂວງບໍລິຄໍາໄຊ (ລາວ)

113. ດ່ານຊາຍແດນສາກົນຈາລໍ່-ນາພາວ ຢູ່ແຂວງໃດຂອງຫວຽດນາມ ແລະ ລາວ?

ຕອບ: ແຂວງກວາງບິ່ງ (ຫວຽດນາມ), ແຂວງຄໍາມ່ວນ (ລາວ)

114. ດ່ານຊາຍແດນສາກົນລາວບາວ-ແດນສະຫວັນ ຢູ່ແຂວງໃດຂອງຫວຽດນາມ ແລະ

         ລາວ?

ຕອບ: ແຂວງກວາງຈິ໋ (ຫວຽດນາມ), ແຂວງສະຫວັນນະເຂດ (ລາວ)

115. ດ່ານຊາຍແດນສາກົນເບີອີ-ພູເກື້ອ ຢູ່ແຂວງໃດຂອງຫວຽດນາມ ແລະ ລາວ?

ຕອບ: ແຂວງກອນຕູມ (ຫວຽດນາມ), ແຂວງອັດຕະປື (ລາວ)

116. ນາຍົກລັດຖະມົນຕີຂອງຫວຽດນາມໃນປີ 2022 ຊື່ວ່າແນວໃດ?

ຕອບ: ທ່ານຟ້າມມິງຈິ້ງ

117. ປະທານປະເທດຂອງຫວຽດນາມໃນປີ 2022 ຊື່ວ່າແນວໃດ?

ຕອບ: ທ່ານຫງວຽນຊວນຟຸກ

118. ປະທານສະພາແຫ່ງຊາດຂອງຫວຽດນາມໃນປີ 2022 ຊື່ວ່າແນວໃດ?

ຕອບ: ທ່ານເວືອງດິ່ງເຫວ້

119. ເລຂາທິການໃຫຍ່ພັກກອມມູນິດຫວຽດນາມໃນປີ 2022 ຊື່ວ່າແນວໃດ?

ຕອບ: ທ່ານຫງວຽນຟູ້ຈ໋ອງ

120. ເລຂາທິການໃຫຍ່ພັກກອມມູນິດຫວຽດນາມຜູ້ທໍາອິດ ຊື່ວ່າແນວໃດ?

ຕອບ: ປະທານໂຮ່ຈິມິນ

121. ປະທານປະເທດຄົນທໍາອິດຂອງຫວຽດນາມຊື່ວ່າແນວໃດ?

ຕອບ: ປະທານໂຮ່ຈິມິນ

122. ຜູ້ກໍ່ຕັ້ງພັກກອມມູນິດຫວຽດນາມແມ່ນໃຜ?

ຕອບ: ປະທານໂຮ່ຈິມິນ

123. ລັດຖະມົນຕີກະຊວງສຶກສາ ແລະ ກໍ່ສ້າງຫວຽດນາມປັດຈຸບັນ (2022) ຊື່ວ່າແນວໃດ?

ຕອບ: ທ່ານຫງວຽນກິມເຊີນ

124. ໂຄງການຍົກສູງຄຸນນະພາບ ແລະ ປະສິດທິຜົນຮ່ວມມື ລາວ-ຫວຽດນາມ ໃນຂົງເຂດ

ການສຶກສາ ແລະ ພັດທະນາຊັບພະຍາກອນມະນຸດໄລຍະ 2021-2030ລະຫວ່າງ

ລັດຖະບານລາວ ແລະ ຫວຽດນາມ ລົງນາມໃນວັນທີ ເດືອນ ປີ ໃດ?

ຕອບ: ວັນທີ 6 ທັນວາ 2020

125. ລັດຖະບານຫວຽດນາມໃຫ້ທຶນການສຶກສາແກ່ລັດຖະບານລາວ ໄລຍະ ປີ 2021-2025

ຈັກທຶນຕໍ່ປີ ?

ຕອບ: 1.100 ທຶນຕໍ່ປີ

126. ໂຮງຮຽນແຫ່ງທໍາອິດທີ່ ຫວຽດນາມ ສ້າງຕັ້ງຂຶ້ນ ເພື່ອກໍ່ສ້າງພະນັກງານໃຫ້ແກ່ລາວ ໃນ

ວັນທີ ເດືອນ ປີໃດ ແລະ ຢູ່ໃສ?

ຕອບ: ວັນທີ 1 ມັງກອນ ປີ 1958 ທີ່ ແຂວງຖ້າຍຫງວຽນ (ຫວຽດນາມ)

127. ໂຮງຮຽນມັດທະຍົມສົມບູນປ້ອງຄຳ ແຂວງຫຼວງພະບາງກໍ່ສ້າງໃນ ປີ 2012 ເປັນ

ຂອງຂວັນຂອງເລຂາທິການໃຫຍ່ພັກກອມມູນິດຫວຽດນາມ ມີຊື່ວ່າແນວໃດ?

ຕອບ: ທ່ານນົງດຶກແມ໋ງ

128. ໂຮງຮຽນມິດຕະພາບລາວ-ຫວຽດນາມ ແຂວງ ເຊກອງກໍ່ສ້າງໃນປີ 2018 ເປັນ

ຂອງຂວັນຈາກປະທານປະເທດຫວຽດນາມມີຊື່ວ່າແນວໃດ?

ຕອບ: ທ່ານເຈີ່ນດ໋າຍກວາງ

129. ໂຮງຮຽນທີ່ຫວຽດນາມຊ່ວຍເຫຼືອໃນການປຸກສ້າງຢູ່ແຂວງຊຽງຂວາງມີໂຮງຮຽນໃດແດ່?

ຕອບ: ໂຮງຮຽນສາມັນກິນນອນຊົນເຜົ່າ ແຂວງຊຽງຂວາງ ແລະ ໂຮງຮຽນພອນສະຫວັນ

130. ນາຍົກລັດຖະມົນຕີຂອງລາວປັດຈຸບັນ (ປີ 2022) ຊື່ວ່າແນວໃດ?

ຕອບ: ທ່ານພັນຄໍາ ວິພາວັນ

131. ປະທານປະເທດຂອງລາວປັດຈຸບັນ (ປີ 2022) ຊື່ວ່າແນວໃດ?

ຕອບ: ທ່ານທອງລຸນ ສີສຸລິດ

132. ປະທານສະພາແຫ່ງຊາດຂອງລາວປັດຈຸບັນ (ປີ 2022) ຊື່ວ່າແນວໃດ?

ຕອບ: ທ່ານໄຊສົມພອນ ພົມວິຫານ

133. ເລຂາທິການໃຫຍ່ພັກປະຊາຊົນປະຕິວັດລາວປັດຈຸບັນ (ປີ 2022) ຊື່ວ່າແນວໃດ?

ຕອບ: ທ່ານທອງລຸນ ສີສຸລິດ

134. ລັດຖະມົນຕີກະຊວງສຶກສາທິການ ແລະ ກິລາຂອງລາວປັດຈຸບັນ (ປີ 2022) ຊື່ວ່າ

           ແນວໃດ?

ຕອບ: ທ່ານພຸດ ສິມມາລາວົງ

135. ຮອງລັດຖະມົນຕີກະຊວງສຶກສາທິການ ແລະ ກິລາຂອງລາວປັດຈຸບັນ (ປີ 2022) ມີ 3

           ທ່ານ, ແຕ່ລະທ່ານ ຊື່ວ່າແນວໃດ?

ຕອບ: ທ່ານນາງຂັນທະລີ ສິລິພົງພັນ, ທ່ານນາງສີສຸກ ວົງວິຈິດ, ທ່ານສິລິອຸດົງ ສູນດາລາ

ແນະນໍາວິທີຈັດຕັ້ງປະຕິບັດ

ຊຸດຄໍາຖາມ ແລະ ຄໍາຕອບນີ້ ນໍາໃຊ້ເພື່ອການແຂ່ງຂັນຖາມ-ຕອບວິທະຍາສາດ ແລະ ເພື່ອເຜີຍແຜ່ ໃຫ້ນັກຮຽນນັກສຶກສາ, ຄູອາຈານ ແລະ ຜູ້ບໍລິຫານການສຶກສາ ຮັບຮູ້ ແລະ ເຂົ້າໃຈຕື່ມອີກ ກ່ຽວກັບມູນເຊື້ອປະຫວັດສາດສາຍພົວພັນພິເສດ ລາວ-ຫວຽດນາມ, ຫວຽດນາມ-ລາວ; ພ້ອມດຽວກັນນັ້ນ ກໍເພື່ອສ້າງຂະບວນການ ໃນໂອກາດປີສາມັກຄີ ມິດຕະພາບ ລາວ-ຫວຽດນາມ ປີ 2022 ຊຶ່ງເປັນການສະເຫຼີມສະຫຼອງ 2 ວັນປະຫວັດສາດ ຄື: ວັນແຫ່ງການສ້າງຕັ້ງສາຍພົວພັນການທູດລາວ-ຫວຽດນາມຄົບຮອບ 60 ປີ ແລະ ວັນເຊັນສົນທິສັນຍາມິດຕະພາບ ແລະ ການຮ່ວມມືລາວ-ຫວຽດນາມຄົບຮອບ 45 ປີໃຫ້ມີບັນຍາກາດຟົດຟື້ນ.

ວິທີການນໍາໃຊ້ຊຸດຄໍາຖາມ ແລະ ຄໍາຕອບນີ້ ເຂົ້າໃນການຈັດຕັ້ງຖາມ-ຕອບວິທະຍາ ສາດ ໃຫ້ດໍາເນີນດັ່ງນີ້:

  1. ໃຫ້ຄັດເລືອກຄໍາຖາມ ແລະ ຄໍາຕອບທີ່ມີເນື້ອໃນເໝາະສົມກັບລະດັບຜູ້ຈະເຂົ້າແຂ່ງຂັນຖາມ-ຕອບວິທະຍາສາດພ້ອມທັງຈໍານວນຄໍາຖາມທີ່ເຫັນສົມຄວນ.
  2. ຈັດຕັ້ງຝຶກອົບຮົມ ຫຼື ເຜີຍແຜ່ເນື້ອໃນຊຸດຄໍາຖາມ ແລະ ຄໍາຕອບ ໃນຂອບເຂດທີ່ເລືອກນັ້ນ (ຫຼື ເຜີຍແຜ່ທັງໝົດທຸກຂໍ້) ໃຫ້ນັກຮຽນນັກສຶກສາ.
  3. ໃຫ້ນັກຮຽນນັກສຶກສານໍາເອົາຄໍາຖາມ ແລະ ຄໍາຕອບໃນຂອບເຂດທີ່ເລືອກນັ້ນ ໄປຄົ້ນຄວ້າດ້ວຍຕົນເອງ ປະມານ 1-2 ອາທິດ.
  4. ຈັດຕັ້ງການແຂ່ງຂັນຖາມ-ຕອບວິທະຍາສາດພາຍໃນໂຮງຮຽນ ຫຼື ສະຖາບັນການສຶກສາຂອງຕົນ.
  5. ສະຫຼຸບລາຍງານຜົນ.

          ໂດຍປະຕິບັດຕາມມະຕິກອງປະຊຸມ ຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການແຜ່ລະບາດ ຂອງພະຍາດ COVID-19 ຂອງຂະແໜງການສຶກສາ, ວິທະຍາສາດ ແລະ ກິລາ ສະບັບເລກທີ 4388/ສສກ, ລົງວັນທີ  30 ກັນຍາ 2021 ຂໍ້ 3.7 ທີ່ “ມອບໃຫ້ກົມວິຊາການ ແລະ ສະຖາບັນຄົ້ນຄວ້າວິທະຍາສາດ ການສຶກສາ ສ້າງຄູ່ມືວິທີການຈັດການຮຽນການສອນ ແບບອອນລາຍ ແລະ ແບບເຊິ່ງໜ້າ...”; ອີງຕາມຄຳຄິດເຫັນ ແລະ ຂໍ້ສະເໜີໃນກອງປະຊຸມເຜີຍແຜ່ຫຼັກສູດພື້ນຖານ ຈາກແຂວງຕ່າງໆ ໃນຄັ້ງວັນທີ 23 ກັນຍາ 2021 ທີ່ຕ້ອງການຄຳແນະນຳເພີ່ມຕື່ມ ກ່ຽວກັບຫຼັກສູດພື້ນຖານ, ຮູບແບບການຈັດການຮຽນການສອນ, ການຈັດກິດຈະກຳເສີມທັກສະ ແລະ ການປະເມີນຜົນການຮຽນເປັນຕົ້ນ.

ສະຖາບັນຄົ້ນຄວ້າວິທະຍາສາດການສຶກສາ ໂດຍສົມທົບກັບກົມສາມັນສຶກສາ ຈຶ່ງໄດ້ຈັດທຳເອກະສານ “ຄຳແນະນຳເພີ່ມຕື່ມກ່ຽວກັບຫຼັກສູດພື້ນຖານ” ແລະ “ຄູ່ມືການສອນອອນລາຍ” ນີ້ຂຶ້ນມາເພື່ອເປັນຄູ່ມື ໃຫ້ຄູ ແລະ ຜູ້ບໍລິຫານການສຶກສາ ນຳໃຊ້ໃນການຈັດການຮຽນການສອນ ກໍຄືການຄຸ້ມຄອງບໍລິຫານ ດ້ານວິຊາການໃນສະພາບ ທີ່ມີການລະບາດ ຂອງພະຍາດ COVID-19.

ໃນເອກະສານ “ຄຳແນະນຳເພີ່ມຕື່ມກ່ຽວກັບຫຼັກສູດພື້ນຖານ ”ປະກອບດ້ວຍ: (1) ຄຳແນະນຳກ່ຽວກັບຫຼັກສູດພື້ນຖານ, ການຈັດການຮຽນການສອນ ແລະ ການປະເມີນຜົນການຮຽນ; (2)​ ຄຳແນະນຳ ກ່ຽວກັບການຈັດກິດຈະກຳ ວິຊາເສີມທັກສະ; (3) ຄຳແນະນຳກ່ຽວກັບ ຕາຕະລາງອອກອາກາດໂທລະພາບສຶກສາ ແລະ ກິລາ (Lao ESTV); (4) ຄຳແນະນຳກ່ຽວກັບຕາຕະລາງອອກອາກາດວິທະຍຸສຶກສາ ແລະ ກິລາ.

ສ່ວນໃນເອກະສານ  “ຄູ່ມືການສອນອອນລາຍ” ປະກອບດ້ວຍ: (1)​ ຄູ່ມືການນຳໃຊ້ແພລດຟອມ “ຄັງປັນຍາລາວ”; (2)  ຄູ່ມືການນຳໃຊ້ເວັບໄຊ ແລະ ແອັບການຮຽນ; (3) ການສ້າງສື່ການສອນອອນລາຍ ໂດຍໃຊ້ Microsoft PowerPoint; (4) ຄູ່ມືການນຳໃຊ້ Google Meet ໃນການສອນອອນລາຍ; (5) ຄູ່ມືການນຳໃຊ້ Zoom Meeting ໃນການສອນອອນລາຍ; (6)  ຄູ່ມືການນຳໃຊ້ Microsoft Teams ໃນການສອນອອນລາຍ; (7) ການສ້າງຫ້ອງຮຽນອອນລາຍ; (8) ການນຳໃຊ້ Social Network ຊ່ວຍການສອນອອນລາຍ.

ຮູບແບບການຮຽນການສອນເວົ້າລວມ, ເວົ້າສະເພາະ ແມ່ນການສອນທາງອອນລາຍ ມີຫຼາຍຮູບແບບ ແລະ ຫຼາຍວິທີການ. ດັ່ງນັ້ນ ຄູສາມາດເລືອກໃຊ້ ຕາມຄວາມເໝາະສົມ ຂອງສະພາບຕົວຈິງຂອງຕົນ. ນອກຈາກຄຳແນະນຳໃນເອກະສານຄູ່ມືນີ້ແລ້ວ, ຄູ ແລະ ຜູ້ບໍລິຫານການສຶກສາ ສາມາດຊອກຮູ້ຕື່ມຜ່ານອິນເຕີເນັດ ໂດຍສະເພາະແມ່ນທາງ YouTube ຊຶ່ງມີຫຼາຍຄົນໄດ້ອັດຄລິບວິດີໂອ ການສອນອອນລາຍ ລົງໃນນັ້ນເປັນຈຳນວນຫຼວງຫຼາຍ ທັງເປັນພາສາລາວ ແລະ ພາສາຕ່າງປະເທດ.

ເອກະສານຄູ່ມືນີ້ ໄດ້ຈັດທຳຂຶ້ນໃນເວລາອັນຮີບດ່ວນ ຊຶ່ງບໍ່ອາດຈະປາສະຈາກຂໍ້ຂາດຕົກບົກພ່ອງໄດ້. ເຖິງຢ່າງໃດກໍຕາມ, ຄະນະຈັດທຳຫວັງວ່າ ມັນຈະມີປະໂຫຍດບໍ່ຫຼາຍກໍໜ້ອຍ ແກ່ຄູ, ຜູ້ບໍລິຫານການສຶກສາ ກໍຄື ຜູ້ສົນໃຈທົ່ວໄປ. ຖ້າວ່າທ່ານມີຂໍ້ຄິດເຫັນປະການໃດ ກະລຸນາສົ່ງຂ່າວໄປຍັງ ສະຖາບັນຄົ້ນຄວ້າວິທະຍາສາດການສຶກສາດ້ວຍ.

    ສະຖາບັນຄົ້ນຄວ້າວິທະຍາສາດການສຶກສາ

 ໝາຍເເຫດ: ຖ້າທ່ານສົນໃຈອ່ານບົດໃດກໍຄລິກເມົ້າ ຫຼື ກົດເຂົ້າໃສ່ຫົວຂໍ້ນັ້ນລຸ່ມນີ້ກໍຈະສາມາດອ່ານ ແລະ ດາວໂຫຼດເປັນຟາຍPdf ໄດ້ເລີຍ.

ເຫຼັ້ມທີ 1: ຄຳແນະນຳກ່ຽວກັບຫຼັກສູດພື້ນຖານ, ການຈັດການຮຽນການສອນ ແລະ ການປະເມີນຜົນການຮຽນ;

ເຫຼັ້ມທີ 2: ຄູ່ມືການສອນອອນລາຍ:

(1)​ ຄູ່ມືການນຳໃຊ້ແພລດຟອມ “ຄັງປັນຍາລາວ”;

(2)  ຄູ່ມືການນຳໃຊ້ເວັບໄຊ ແລະ ແອັບການຮຽນ;

(3) ການສ້າງສື່ການສອນອອນລາຍໂດຍໃຊ້ Microsoft PowerPoint;

(4) ຄູ່ມືການນຳໃຊ້ Google Meet ໃນການສອນອອນລາຍ;

(5) ຄູ່ມືການນຳໃຊ້ Zoom Meeting ໃນການສອນອອນລາຍ;

(6)  ຄູ່ມືການນຳໃຊ້ Microsoft Teams ໃນການສອນອອນລາຍ;

(7) ການສ້າງຫ້ອງຮຽນອອນລາຍ;

8) ການນຳໃຊ້ Social Network ຊ່ວຍການສອນອອນລາຍ.

 

Lao Grammar1

ASLO III Report Lao version 30072014 Page 001

ການສອນທີ່ເນັ້ນຜູ້ຮຽນເປັນໃຈກາງ

t

Education in Old Revolutions Area

educationinold

40 ປີແຫ່ງການພັດທະນາການສຶກສາ ແລະ ກິລາລາວ

40year