• 1

  • 2

  • 3

  • 4

  • 5

  • 6

  • 7

  • 8

ສາມັກຄີ ມີວິໄນ ທັນສະໄໝ ໄດ້ມາດຕະຖານ

LTC R3ຄະນະນຳສະຖາບັນຄົ້ນຄວ້າ ວິທະຍາສາດ ການສຶກສາ ກະຊວງສຶກສາທິການ ແລະ ກິລາ ແລະ ຄະນະນຳບໍລິສັດ ລາວໂທລະຄົມ ມະຫາຊົນ ໄດ້ຮ່ວມພົບປະສອງຝ່າຍ ເພື່ອປຶກສາຫາລື ແລະ ແລກປ່ຽນບົດຮຽນ ໃນການ ສຶກສາ ຄວາມຮ່ວມມືໃນອະນາຄົດ ໂດຍສະເພາະແມ່ນ ການໃຫ້ຄວາມຊ່ວຍເຫຼືອ ໃນການນຳໃຊ້ສັນຍານ ອິນເຕີເນັດຄວາມໄວສູງ ແລະ ການປະກອບອຸປະກອນ ພື້ນຖານໂຄງລ່າງ ໃຫ້ກັບ ສວສ ເພື່ອນຳໃຊ້ເຂົ້າໃນວຽກງານ ການ ຮຽນການສອນທາງໄກ, ວຽກງານໂຄສະນາຂ່າວສານການສຶກສາ ແລະ ກິລາ ແລະ ວຽກງານປິ່ນອ້ອມອື່ນໆ ໃຫ້ມີປະສິດທິພາບຫຼາຍຂຶ້ນກວ່າເກົ່າ.

ເມື່ອຕອນເຊົ້າວັນທີ 24 ກຸມພາ 2022 ທີ່ຫ້ອງປະຊຸມຊັ້ນ 2 ສະຖາບັນຄົ້ນຄວ້າວິທະຍາສາດສຶກສາ ກະຊວງສຶກສາທິການ ແລະ ກິລາ, ທ່ານ ອາລຸນນະເດດ ບານຈິດ ຮອງຜູ້ອຳນວຍການ ບໍລິສັດ ລາວໂທລະຄົມ ມະຫາຊົນ ພ້ອມດ້ວຍຄະນະ ໄດ້ເຂົ້າພົບປະກັບ ທ່ານ ປອ ອ່ອນແກ້ວ ນວນນະວົງ ຜູ້ອຳນວຍການສະຖາບັນຄົ້ນຄວ້າວິທະຍາສາດການສຶກສາ, ມີຜູ້ອຳນວຍການສູນທີ່ກ່ຽວຂ້ອງເຂົ້າຮ່ວມ.
ການພົບປະໃນເທື່ອນີ້ ຄະນະນຳທັງສອງຝ່າຍ ໄດ້ຮ່ວມປຶກສາຫາລືເຖິງການຮ່ວມມືຊ່ວຍເຫຼືອຂອງ ບໍລິສັດ ລາວໂທລະຄົມ ມະຫາຊົນ ຕໍ່ ສວສ ຕະຫຼອດສອງປີຜ່ານມາ ຊຶ່ງທາງບໍລິສັດ ລາວໂທລະຄົມ ໄດ້ໃຫ້ການຊຸກຍູ້ເຂົ້າໃນວຽກງານຂອງ ສວສ ຢ່າງຫຼວງຫຼາຍ ໂດຍສະເພາະການໃຫ້ນຳໃຊ້ສັນຍານອິນເຕີເນັດ ຄວາມໄວສູງ ແລະ ການການປະກອບອຸປະກອນພື້ນຖານໂຄງລ່າງຈຳນວນໜຶ່ງ ເຂົ້າໃນວຽກງານການຮຽນການສອນທາງໄກ ຫຼື ອອນລາຍ ແລະ ວຽກງານໂຄສະນາຂ່າວສານການສຶກສາ ແລະ ກິລາ ແລະ ວຽກງານປິ່ນອ້ອມອື່ນໆພາຍໃນ ສວສ ໃນໄລຍະການແຜ່ລະບາດຂອງພະຍາດໂຄວິດ-19. ນອກຈາກນີ້, ທັງສອງຝ່າຍຍັງສືບຕໍ່ເຫັນດີຮ່ວມມືນຳກັນ ໃຫ້ມີປະສິດທິພາບ ແລະ ຮັດແໜ້ນຫຼາຍຂຶ້ນກວ່າເກົ່າໃນຕໍ່ໜ້າ.
ພ້ອມນັ້ນ, ທາງບໍລິສັດ ລາວໂທລະຄົມ ມະຫາຊົນ ຍັງໄດ້ນຳສະເໜີຜະລິດຕະພັນໃໝ່ໆຂອງບໍລິສັດໃຫ້ກັບ ສວສ ໄດ້ຮັບຮູ້ເພື່ອໃຫ້ສຶກສາເປັນທາງເລືອກ ເຊັ່ນ: LTC Enterprise Solution ແລະ ການນຳໃຊ້ບໍລິການ Internet ປະຈຸບັນ ວ່າມີຄວາມສະດວກແນວໃດ? ແລະ ຂໍ້ສະເໜີແລກປ່ຽນໃນການສຶກສາຄວາມຮ່ວມມື ໃນອະນາຄົດ.
ໂອກາດນີ້, ທ່ານ ປອ ອ່ອນແກ້ວ ນວນນະວົງ ໄດ້ກ່າວສະແດງຄວາມຂອບໃຈຕໍ່ການໃຫ້ຄວາມຊ່ວຍເຫຼືອຂອງ ບໍລິສັດ ລາວໂທລະຄົມ ໃນໄລຍະຜ່ານມາ ແລະ ການພົບປະຄັ້ງນີ້ ຖືເປັນນິມິດໝາຍທີ່ດີຕໍ່ການຮ່ວມມືກັນລະຫວ່າງສອງຝ່າຍໃນອະນາຄົດ ໂດຍສະເພາະແມ່ນການຮັບເອົາຄວາມຊ່ວຍເຫຼືອໃນເບື້ອງຕົ້ນ ໃນການທົດລອງນຳໃຊ້ອິນເຕີເນັດຂອງບໍລິສັດ ລາວໂທລະຄົມ ເພື່ອນຳໃຊ້ເຂົ້າໃນວຽກງານການຮຽນການສອນອອນລາຍ ໃນລະຫວ່າງທີ່ມີການແຜ່ລະບາດຂອງເຊື້ອພະຍາດໂຄວິດ-19 ໃນປັດຈຸບັນ ນີ້ຖືເປັນການປະກອບສ່ວນທີ່ສຳຄັນໃນການພັດທະນາວຽກງານການສຶກສາ ໃຫ້ສາມາດຈັດຕັ້ງການຮຽນການສອນໄດ້ຢ່າງເປັນປົກກະຕິ.
ຂະນະດຽວກັນ, ທ່ານ ອາລຸນນະເດດ ບານຈິດ ໄດ້ກ່າວສະແດງຄວາມຂອບໃຈມາຍັງຄະນະນຳສະຖາບັນຄົ້ນຄວ້າວິທະຍາສາດການສຶກສາ ແລະ ພາກສ່ວນກ່ຽວຂ້ອງ ທີ່ໄດ້ໃຫ້ການຕ້ອນຮັບອັນອົບອຸ່ນ ແລະ ຮ່ວມພົບປະປຶກສາຫາລືລະວ່າງສອງຝ່າຍ ໂດຍໃນເບື້ອງຕົ້ນທາງບໍລິສັດພວກເຮົາຈະທົດລອງໃຫ້ນຳໃຊ້ຜະລິດຕະພັນ ຫຼື ອິນເຕີເນັດຄວາມໄວສູງ ໄປກ່ອນ ແລ້ວຄ່ອຍມາຫາລືກັນຕື່ມໃນພາຍຫຼັງເຖິງຄວາມເປັນໄປໄດ້ໃນການຮ່ວມມື ໃນອະນາຄົ
ຂ່າວໂດຍ: ລູກນ້ຳເຊ ອິນທະດາລິນ
LTC R1
LTC R2