• 1

  • 2

  • 3

  • 4

  • 5

  • 6

  • 7

  • 8

ສາມັກຄີ ມີວິໄນ ທັນສະໄໝ ໄດ້ມາດຕະຖານ

yongyor4ສະຖາບັນຄົ້ນຄວ້າວິທະຍາສາດ ການສຶກສາ (ສວສ) ກະຊວງສຶກສາ ທິການ ແລະ ກິລາ ໃຫ້ການຍ້ອງຍໍ ບໍລິສັດ ລາວໂທລະຄົມ ມະນາຄົມ ມະຫາຊົນ ແລະ ບໍລິສັດ ດາວທຽມລາວ ເອເຊຍ-ປາຊີຟິກ ຈຳກັດ ທີ່ມີຜົນງານ ດີເດັ່ນ ໃນການ ປະກອບສ່ວນ ເຂົ້າໃນວຽກງານ ຂະແໜງ ການສຶກສາ ແລະ ກິລາ ໃນໄລຍະໂຄວິດ-19.

ພິທີຍ້ອງຍໍດັ່ງກ່າວ ໄດ້ມີຂຶ້ນເມື່ອວັນທີ 31 ທັນວາ ຜ່ານມາ ທີ່ສະຖາບັນຄົ້ນຄວ້າວິທະຍາສາດການສຶກສາ ກະຊວງສຶກສາທິການ ແລະ ກິລາ ໂດຍໃຫ້ກຽດມອບຂອງທ່ານ ປອ ນາງ ສີສຸກ ວົງວິຈິດ ຮອງລັດຖະມົນຕີ ກະຊວງສຶກສາທິການ ແລະ ກິລາ ແລະ ຕາງໜ້າຮັບໂດຍ ທ່ານ ອາລຸນນະເດດ ບານຈິດ ຮອງຜູ້ອຳນວຍການໃຫຍ່ ບໍລິສັດລາວໂທລະຄົມມະນາຄົມ ມະຫາຊົນ ແລະ ທ່ານ ສີສັນ ປອງນະທີ ຮອງຜູ້ອຳນວຍການ ບໍລິສັດດາວທຽມລາວ ເອເຊຍ-ປາຊີຟິກ ຈຳກັດ, ເຂົ້າຮ່ວມເປັນສັກຂີພິຍານຂອງທ່ານ ປອ ອ່ອນແກ້ວ ນວນນະວົງ ຜູ້ອຳນວຍການສະຖາບັນຄົ້ນຄວ້າວິທະຍາສາດການສຶກສາ, ທ່ານ ສຸກສາຄອນ ສີປະເສີດ ຜູ້ອຳນວຍການສູນໂຄສະນາຂ່າວສານການສຶກສາ ແລະ ກິລາ, ພ້ອມດ້ວຍພະນັກງານ ວິຊາການທີ່ກ່ຽວຂ້ອງ.
ໃນໂອກາດດັ່ງກ່າວ, ທ່ານ ປອ ອ່ອນແກ້ວ ນວນນະວົງ ກໍ່ໄດ້ລາຍງານການຮ່ວມມືລະຫວ່າງ 2 ບໍລິສັດ ຊຶ່ງຕະຫຼອດໄລຍະຜ່ານມາ ບໍລິສັດລາວໂທລະຄົມມະນາຄົມ ມະຫາຊົນ ໄດ້ໃຫ້ການຮ່ວມມື ແລະ ສະໜັບສະໜູນສະຖາບັນຄົ້ນຄວ້າວິທະຍາສາດການສຶກສາ ໂດຍໄດ້ສະໜອງອິນເຕີເນັດຄວາມໄວສູງ, ອຸປະກອນໃນຫ້ອງສະຕູດີໂອ ແລະ ອື່ນໆ ຊຶ່ງເປັນເຄື່ອງມືພື້ນຖານຂອງການຜະລິດ ແລະ ອອກອາກາດລາຍການໂທລະສັບ ແລະ ວິທະຍຸສຶກສາ ແລະ ກິລາ ກໍ່ຄືການຄົ້ນຫາຂໍ້ມູນທາງອິນເຕີເນັດ. ສ່ວນບໍລິສັດດາວທຽມລາວ ເອເຊຍ-ປາຊີຟິກ ຈຳກັດ ໄດ້ໃຫ້ການຮ່ວມມື ແລະ ສະໜັບສະໜູນສະຖາບັນຄົ້ນຄວ້າວິທະຍາສາດການສຶກສາ ໃນການສ້າງຊ່ອງໂທລະພາບສຶກສາ ແລະ ກິລາ ກໍ່ຄື ການຈັດການຮຽນການສອນຜ່ານໂທລະພາບດັ່ງກ່າວ ຊຶ່ງໄດ້ເປີດທົດລອງອອກອາກາດ ໃນວັນທີ 09.05.2020 ການສະໜັບສະໜູນຂອງບໍລິສັດແມ່ນຕໍ່ເນື່ອງສະເໝີຕົ້ນສະເໝີປາຍ ຊຶ່ງມີຫຼາຍດ້ານ ເຊັ່ນ: ດ້ານເຕັກນິກວິຊາການ, ວັດຖຸອຸປະກອນ ແລະ ສັນຍານດຽວທຽມ.
ຂະນະດຽວກັນ, ທ່ານ ປອ ນາງ ສີສຸກ ວົງວິຈິດ ກໍ່ໄດ້ກ່າວມີຕຳເຫັນ ພ້ອມທັງສະແດງຄວາມຂອງໃຈເປັນຢ່າງສູງມາຍັງ 2 ບໍລິສັດ ທີ່ເຫັນໄດ້ເຖິງຄວາມສຳຄັນຂອງຂະແໜງການສຶກສາ ແລະ ກິລາ ໂດຍສະເພາະໃນໄລຍະການລະບາດຂອງພະຍາດໂຄວິດ-19 ທາງບໍລິສັດດັ່ງກ່າວຍັງໄດ້ສະໜອງອິນເຕີເນັດ ແລະ ສະໜັບສະໜູນລະບົບເຄື່ອງອຸປະກອນໂທລະພາບ ແລະ ສັນຍານດຽວທຽມຮັບ ເພື່ອຮັບໃຊ້ໃນການຮຽນການສອນຜ່ານທາງລະບົບອອນລາຍ ໃນໄລຍະປ້ອງກັນໂຄວິດ-19 ຜ່ານທາງ ໂທລະພາບ, ວິທະຍຸຜ່ານທາງສືອອນລາຍຕ່າງໆ. ພ້ອມນັ້ນ, ທ່ານຮອງລັດຖະມົນຕີກະຊວງສຶກສາທິການ ແລະ ກິລາ ຍັງໄດ້ຮຽກຮ້ອງມາຍັງ 2 ບໍລິສັດ ສືບຕໍ່ໃຫ້ການຮ່ວມມືໃນຂະແໜງການສຶກສາ-ກິລາ ໂດຍສະເພາະການສະໜອງອິນເຕີເນັດເຂົ້າໃນເຂດຫ່າງໄກຊອກຫຼີກ ເພື່ອເຮັດໃຫ້ນ້ອງນັກຮຽນໄດ້ເຂົ້າເຖິງການຮຽນການສອນຢ່າງທົ່ວເຖິງຂຶ້ນເທື່ອລະກ້າວ.
ໂດຍ ບົວລະພາ
yongyor1
yongyor2
yongyor3