• 1

  • 2

  • 3

  • 4

  • 5

  • 6

  • 7

  • 8

ສາມັກຄີ ມີວິໄນ ທັນສະໄໝ ໄດ້ມາດຕະຖານ

j01ກອງທຶນຮ່ວມມືສາກົນ ເພື່ອການສຶກສາ (GPE) ໂດຍຜ່ານອົງການຢູນິເຊັບ ປະຈໍາ ສປປ ລາວ ໃຫ້ການ ສະໜັບສະໜູນ ຊ່ວຍເຫຼືອ ປຶ້ມຫຼັກສູດຂັ້ນພື້ນຖານ ລະດັບ ຊັ້ນປະຖົມສຶກ, ຊັ້ນມັດທະຍົມສຶກສາຕອນຕົ້ນ ແລະ ມັດທະຍົມສຶກສາຊັ້ນຕອນປາຍ ໃນສາຍສາມັນສຶກສາ ປະຈໍາສົກຮຽນ 2021-2022 ພາຍໃຕ້ໂຄງການຕອບໂຕ້ພະຍາດໂຄວິດ-19 ໃນຂະແໜງສຶກສາ ແລະ ກິລາ ລວມມູນຄ່າເກືອບ 50 ລ້ານກີບ ໃຫ້ແກ່ສະຖາບັນ ຄົ້ນຄວ້າວິທະຍາສາດການສຶກສາ (ສວສ) ກະຊວງ ສຶກສາທິການ ແລະ ກິລາ ຫຼື ສສກ.

ພິທີມອບ-ຮັບປຶ້ມຫຼັກສູດຂັ້ນພື້ນຖານ ໃນສາຍສາມັນສຶກສາ ໄດ້ຈັດຂຶ້ນ ໃນຕອນບ່າຍ ວັນທີ 3 ພະຈິກ ຜ່ານມາ ທີ່ສາງກະຊວງສຶກສາທິການ ແລະ ກິລາ ບ້ານທ່າພະລານໄຊ ເມືອງສີສັດຕະນາກ ນະຄອນຫຼວງວຽງຈັນ ຕາງໜ້າມອບໂດຍທ່ານ ນາງ ລີໂອເຕັສ ເຮລິນ ຫົວໜ້າພະແນກສຶກສາ ອົງການຢູນິເຊັບ ປະຈໍາ ສປປ ລາວ ແລະ ຕາງໜ້າຮັບແມ່ນທ່ານ ເຈັດຊິ້້ງ ອິນທະວົງ ຮັກສາການຫົວໜ້າສູນສື່ການຮຽນການສອນ ສວສ, ມີທ່ານ ສຸພາບ ຄຸນວິໄຊ ຫົວໜ້າພະແນກຄົ້ນຄວ້າສັງລວມ, ຮອງຫົວໜ້າກອງເລຂາຄະນະສະເພາະກິດ ສສກ ແລະ ທ່ານ ຫີນເພັດ ແສນສູນທອນ ຜູ້ອໍານວຍການສາງປຶ້ມ ສສກ ພ້ອມດ້ວຍພະນັກງານກ່ຽວຂ້ອງເຂົ້າຮ່ວມເປັນສັກຂີພິຍານ.

ສໍາລັບປຶ້ມຫຼັກສູດຂັ້ນພື້ນຖານ ປະກອບມີປື້ມຫຼັັກສູດພື້ນຖານ ລະດັບຊັ້ນປະຖົມສຶກສາ ມີຈໍານວນ 8.900 ຫົວ, ຫຼັກສຸດພື້ນຖານ ຊັ້ນມັດທະຍົມຕອນຕົ້ນ ຈໍານວນ 1.900 ຫົວ ແລະ ຫຼັກສູດພື້ນຖານ ຊັ້ນມັດທະຍົມຕອນປາຍ ຈໍານວນ 960 ຫົວ ປະຈໍາສົກຮຽນ 2021-2022 ເພື່ອແຈກຢາຍໃຫ້ໂຮງຮຽນປະຖົມ, ມັດທະຍົມຕົ້ນ ແລະ ມັດທະຍົມປາຍ ທົ່ວປະເທດ ໄດ້ນໍາໃຊ້ໃນສະພາບການທີ່ມີການລະບາດຂອງພະຍາດໂຄວິດ-19 ລວມມູນຄ່າ 47 ລ້ານກວ່າກີບ.

ໂດຍ ສົງການ ພັນແພງດີ

j02

j03