• 1

  • 2

  • 3

  • 4

  • 5

  • 6

  • 7

  • 8

ສາມັກຄີ ມີວິໄນ ທັນສະໄໝ ໄດ້ມາດຕະຖານ

CCTV2ສະຖາບັນຄົ້ນຄວ້າ ວິທະຍາສາດ ການສຶກສາ (ສວສ) ກະຊວງສຶກສາທິການ ແລະ ກິລາ ໄດ້ຮັບອຸປະກອນ ຊ່ວຍເຫຼືອ ເຂົ້າໃນ ການສື່ສານທາງໄກ ໃນວຽກງານ ຂະແໜງການ ສຶກສາ ແລະ ກິລາ ແລະ ວຽກງານຕ່າງໆ ທີ່ມີຄວາມຈຳເປັນ, ໂດຍອຸປະກອນ ດັ່ງກ່າວ ແມ່ນການຊ່ວຍເຫຼືອ ຈາກລັດຖະບານ ອົດສະຕຣາລີ ໂດຍຜ່ານແຜນງານບີຄວາ.

ພິທີມອບ-ຮັບເຄື່ອງດັ່ງກ່າວ, ໄດ້ຈັດຂຶ້ນເມື່ອວັນທີ 20 ສິງຫາ ຜ່ານມາ ທີ່ສະຖາບັນຄົ້ນຄວ້າວິທະຍາສາດການສຶກສາ ໂດຍໃຫ້ກຽດມອບຂອງທ່ານ ນາງ ແອນ ສະຕາຊິນໂນສະກີ ຜູ້ຈັດການແຜນງານບີຄວາ ແລະ ຮັບໂດຍ ທ່ານ ປອ ອ່ອນແກ້ວ ນວນນະວົງ ຜູ້ອຳນວຍການ ສະຖາບັນຄົ້ນຄວ້າວິທະຍາສາດການສຶກສາ, ມີບັນດາຜູ້ຕາງໜ້າຈາກສູນ, ພະແນກ, ຊ່ຽວຊານແຜນງານບີຄວາ ແລະ ພາກສ່ວນທີ່ກ່ຽວຂ້ອງ.

ໃນພິທີ, ທ່ານ ປອ ອ່ອນແກ້ວ ນວນນະວົງ ໄດ້ກ່າວສະແດງຄວາມ ຂອບໃຈເປັນຢ່າງຍິ່ງ ມາຍັງແຜນງານບີຄວາ, ລັດຖະບານອົດສະຕຣາລີ ແລະ ຄູ່ຮ່ວມພັດທະນາ ຍາມໃດກໍໄດ້ໃຫ້ ການສະໜັບສະໜູນແກ່ສະຖາບັນ ຕະຫຼອດມາ, ຊຶ່ງຜ່ານມາໄດ້ໃຫ້ການສະໜັບສະໜູນຫຼາຍເປັນຕົ້ນແມ່ນຄອມພິວເຕີ ແລະ ສິ່ງອຳນວຍຄວາມສະດວກຕ່າງໆໃນວຽກງານ ແລະ ຄັ້ງນີ້ ກໍໄດ້ມອບອຸປະກອນນຳໃຊ້ເຂົ້າໃນການປະຊຸມທາງໄກ. ອຸປະກອນເຫຼົ່ານີ້ ແມ່ນ ມີຜົນປະໂຫຍດຫຼາຍ ສຳລັບສະຖາບັນ ແລະ ມີຄວາມຈຳຫຼາຍທີ່ຕ້ອງໄດ້ໃຊ້ອຸປະກອນດັ່ງກ່າວເຂົ້າໃນການປະຊຸມທາງໄກ ກັບພາກສ່ວນຕ່າງໆ ໂດຍສະເພາະແມ່ນນຳໃຊ້ເຂົ້າໃນວຽກງານແຜນງານບີຄວາ ແລະ ວຽກງານອື່ນໆ ທີ່ມີຄວາມຈຳເປັນ ຕ້ອງໃຊ້. ສຳລັບອຸປະກອນທີ່ນຳມາມອບໃນຄັ້ງນີ້, ປະກອບມີ ລຳໂພງ ແລະ ກ້ອງ ພ້ອມດ້ວຍຂາຕັ້ງກ້ອງ ຈຳນວນ 1 ຊຸດ ລວມມູນຄ່າ 700 ໂດລາສະຫະລັດ.

ບົວລະພາ

CCTV1